اسلام آباد – 13 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستاني قوم دهشتگردي جو بهادري ۽ ڪاميابي سان مقابلو ڪيو آهي، انتهاپسندي جي خلاف قومي ۽ عالمي بيانيو جوڙڻ چاهيون ٿا، سوشل ميڊيا تي نفرت پکيڙيندڙ مواد روڪڻ جي لاءِ قدم کڻي رهيا آهيون، سوشل ميڊيا جو غلط استعمال ڪندڙن جون گرفتاريون ڪيون ويون آهن، اسلام ۾ انتهاپسندي ۽ شدت پسندي جو ڪو تصور نه آهي، افغان تڪرار ۾ ڦاسڻ سان پاڪستان ۾ انتهاپسندي پکڙي. اهڙن خيالن جو اظهار هن بحراني صورتحال ۾ فعال رابطا ۽ ميڊيا جو ڪردار بابت 5 ڏينهن واري ورڪشاپ جي پڄاڻي واري تقريب کي خطاب ڪندي ڪيو.
