اسلام آباد – 25 – جون (اي پي پي) صدر آصف علي زرداري نوابشاهه ۾ سردار عبدالستار ڪيريو جي رهائشگاهه تي سندس ڀيڻ جي لاڏاڻي تي تعزيت ڪئي. ايوان صدر جي پرس ونگ پاران جاري پڌرائي موجب صدر مرحومه جي ايصال ثواب لاءِ فاتحه خواني ڪئي ۽ گهرڀاتين سان دلي همدرديءَ جو اظهار ڪيو. هن مرحومه جي مغفرت ۽ درجن جي بلندي لاءِ دعا پڻ ڪئي. ان موقعي تي صدر آصف علي زرداري چيو ته هو ڏک جي ان گهڙيءَ ۾ سردار عبدالستار ڪيريو ۽ سندس گهرڀاتين سان برابر جا شريڪ آهن.
