اسلام آباد – 23 آڪٽوبر (اي پي پي) صدر ڊاڪٽر عارف علوي نادرا کي ڊيٽا مئنيجمينٽ لاءِ موثر حڪمت عملي جوڙڻ جي هدايت ڪندي چيو آهي ته عورتن ۽ معاشري جي ٻين پـتي پيل طبقن جي رجسٽريشن ۾ ايندڙ رڪاوٽن کي ختم ڪرڻ جو پلان تيار ڪيو وڃي. هن اهي هدايتون ايوان صدر ۾ نادرا جي چيئرمين عثمان مبين پاران اداري جي جاري ۽ مستقبل جي پروگرامن بابت ڏنل بريفنگ دوران جاري ڪيون. نادرا چيئرمين صدر کي اداري جي ڪارڪردگي ۽ مستقبل جي منصوبن بابت آگاهه ڪيو.
