اسلام آباد – 26 جنوري (اي پي پي) منصوبابندي ۽ ترقي واري وفاقي وزير احسن اقبال چيو آهي ته چين پاڪستان اقتصادي راهداري جي منصوبن تي تيزي سان ڪم جاري آهي، چيني سيڙپڪارن کي ڪا خصوصي رعايت نه پئي ڏني وڃي، اقتصادي زونز ۾ صنعتن جي قيام سان ملڪ ۾ اقتصادي ترقي جي رفتار تيز ٿيندي، فائبر آپٽگ سان گلگت بلتستان ۽ خيبرپختونخوا جي علائقن جو دنيا سان رابطو قائم ٿي ويندو، ديا مر –ڀاشا ڊيم جو سنگ بنياد انهي سال رکيو ويندو، سينيٽ ۾ پاڪ چين اقتصادي راهداري جي حوالي سان رپورٽ پيش ڪندي هن چيو ته گوادر کان ڪوئيٽا تائين ستر سالن کان روڊ نه ٺهي سگهيو هو، هاڻي ان تي ڪم جاري آهي.
