اسلام آباد – 29 جولاءِ (اي پي پي) مسلم ليگ (ن) جي پارلياماني پارٽي پاران نامزد عبوري وزيراعظم شاهد خاقان عباسي چيو آهي ته نواز شريف جو سياسي مقام ۽ حيثيت ڪنهن عهدي کان مٿانهين آهي، پاناما ڪيس تي عدالتي فيصلو افسوسناڪ آهي. پنجاب هائوس ۾ پنهنجي نامزدگي کانپوءِ صحافين سان ڳالهائيندي هن چيو ته عبوري دور ۾ ترقي جي رفتار برقرار رکڻ جي ڪوشش ڪئي ويندي ۽ قومي معاملن کي افهام تفهيم سان اڳتي وڌائڻ جي ڪوشش ڪندس.
