اسلام آباد – 28 جولاءِ (اي پي پي) مسلم ليگ (ن) جي اڳواڻ ۽ اطلاعات ۽ نشريات جي اڳوڻي مملڪتي وزير مريم اورنگزيب چيو آهي ته اڄ جي فيصلي سان حيرانگي ناهي ٿي پر افسوس ضرور ٿيو آهي، ڪجهه فيصلا عدالت جا هوندا آهن ۽ ڪجهه فيصلا عوام ۽ تاريخ جا هوندا آهن، اڄ ظاهر ۾ اسان هڪ فيصلو ضرور هارايو آهي پر ٻه کٽيا آهن. سپريم ڪورٽ جي ٻاهران ميڊيا سان ڳالهائيندي هن چيو ته پاڪستان مسلم ليگ (ن) جي قيادت پاناما ڪيس جي عدالتي فيصلي جا تفصيل ڏسندي، آئيني ۽ قانوني ماهرن سان مشورو ڪري ايندڙ لائحه عمل جو اعلان ڪندي.