اسلام آباد – 24 مئي (اي پي پي) صدر ممنون حسين چيو آهي ته پاڪستان دهشتگردي خلاف جنگ ۾ وڏيون ڪاميابيون حاصل ڪيون آهن ۽ آفريقي ملڪ دهشتگردي کي منهن ڏيڻ لاءِ پاڪستان جي تجربن مان فائدو کڻي سگهن ٿا. هن اها ڳالهه ايوان صدر ۾ آفريقي ملڪن جي سفيرن جي اعزاز ۾ ڏنل آجياڻي کي خطاب ڪندي چئي جنهن ۾ ڏکڻ آفريقا، تيونس، ڪينيا، الجزائر، مصر، صوماليه، سوڊان، مراڪش، نائيجيريا، ماريشيس ۽ ليبيا جا سفير ۽ هاءِ ڪمشنر شريڪ هئا، ان موقعي تي صدر آفريقي يونين جي قيام جي 54 هين سالگرهه تي سفيرن کي مبارڪباد پڻ ڏني.
