اسلام آباد – 23 مئي (اي پي پي) صدر ممنون حسين چيو آهي ته خطي جي ترقي ۽ استحڪام لاءِ سارڪ جي پليٽ فارم کي وڌيڪ فعال بڻائڻ جي ضرورت آهي، ان سلسلي ۾ سارڪ سيڪريٽريٽ پنهنجا سمورا وسيلا استعمال ۾ آڻي. صدر اها ڳالهه سارڪ جي نئين چونڊيل سيڪريٽري جنرل امجد حسين بي سيال سان ڳالهائيندي چئي. ان موقعي تي ايوان صدر ۽ پرڏيهي وزارت جا اعليٰ عملدار به موجود هئا. صدر چيو ته سارڪ کي موثر پليٽ فارم بڻائڻ جي لاءِ سمورن ميمبر ملڪن کي گڏيل ڪوششون ڪرڻ گهرجن، ان سلسلي ۾ سارڪ جو فورم هڪ بهترين بنياد فراهم ڪري سگهي ٿو.
