اسلام آباد – 04 مارچ (اي پي پي) وزيراعظم محمد نواز شريف چيو آهي ته پاڪستان کي حقيقي معنيٰ ۾ ترقي يافته رياست بڻائڻ جي لاءِ حڪومت جو ويزن ملڪ جي سمورن وفاقي يونٽن جي ترقي ۽ خوشحالي کانسواءِ ممڪن نه آهي. هن اها ڳالهه وزيراعظم هائوس ۾ بلوچستان جي وڏي وزير سردار ثناءُ الله زهري سان ملاقات ۾ چئي. بلوچستان جي وڏي وزير وزيراعظم کي صوبائي حڪومت پاران عوامي ڀلائي جي لاءِ مختلف ترقياتي منصوبن ۽ سماجي قدمن بابت آگاهه ڪيو.
