اسلام آباد – 30 آڪٽوبر (اي پي پي) پاڻي ۽ بجلي واري مملڪتي وزير عابد شير علي چيو آهي ته مسلم ليگ (ن) ئي ملڪ ۽ قوم کي مايوسي جي ڌٻڻ مان ڪڍي رهي آهي، امن امان قائم ڪرڻ، تعليم ۽ صحت جي سهولتن، مثالي ترقي ۽ روزگار جا موقعا ڏيڻ ۽ معيشت جي خراب صورتحال کي بلندي طرف وٺي وڃڻ وزيراعظم نواز شريف جو ڏوهه آهي ته هو اهو ڏوهه ڪندو رهندو،. اهڙن خيالن جو اظهار هن بلاول ڀٽو جي ڪوئيٽا ۾ ڏنل بيان تي پنهنجي ردعمل ۾ ڪيو. چوڌري عابد شير علي چيو ته بلاول جو محترمه بينظير ڀٽو جي ذڪر تي ڏکائتو ٿيڻ سمجهه ۾ اچي ٿو، چوڌري عابد شير علي چيو ته سنڌ جي عوام جي سخت خواهش هئي ته اسلام آباد ۽ لاهور وانگر ڪراچي ۾ به هر طرف امن ۽ روشنيون هجن، وفاقي گهرو وزير چوڌري نثار علي خان ڪراچي ۾ امن قائم ڪري ۽ روشنيون پکيڙي ڪو ڏوهه ناهي ڪيو، هو ڪنهن ڪالهوڪي ٻار جي خواهش تي استعيفيٰ نه ٿو ڏئي سگهي.
