لاهور – 29 آڪٽوبر (اي پي پي) وزيراعظم محمد نواز شريف چيو آهي ته مسلم ليگ (ن) جي موجوده حڪومت پنهنجو مدو پورو ڪندي ۽ 2018ع ۾ عام چونڊن ۾ پنهنجي 5 سالن جي ڪارڪردگي جي بنياد تي ٻيهر اقتدار ۾ ايندي، مشرف جي اقتدار جي دور ۾ اسان جيل ڪاٽيا، مخالفت ڪندڙ پرويز مشرف جي جعلي ريفرنڊم جي مهم هلائي رهيا هئا، 2013ع ۾ پاڪستاني عوام جن کي رد ڪيو هو اهي اڄ توهان کان ڌرڻن جي سياست ذريعي انتقام وٺي رهيا آهن، موجوده پاڪستان 2013ع جي ڀيٽ ۾ معاشي، اقتصادي ۽ دهشتگردي ۽ لوڊشيڊنگ جي مقابلي ۾ تمام گهڻو بهتر آهي ۽ 2018ع تائين ۾ ان ۾ وڌيڪ بهتري ايندي، ڦول نگر اين اي 142 – 141 جي ترقياتي منصوبن جي لاءِ ڏيڍ ارب جڏهن ته تڪ پي پي 184 – 183 ۾ گئس ۽ ٻين منصوبن جي لاءِ 2 ارب رپيا خرچ ڪيا ويندا. هو ڦول نگر ۾ عوامي ميڙ کي خطاب ڪري رهيو هو.