اسلام آباد – 10 آڪٽوبر (اي پي پي) وزيراعظم محمد نواز شريف ڪشمير ڪاز جي ڀرپور حمايت جي عزم جو ورجاءُ ڪندي چيو آهي ته ڪشميرين جي جائز آزادي واري جدوجهد کي دهشتگردي سان جوڙڻ ڀارت جي افسوسناڪ غلطي آهي، دنيا جي ڪا به طاقت اسان کي ڪشميرين جي آزادي واري جدوجهد جي حمايت کان نٿي روڪي سگهي. پاڪستان مسلم ليگ (ن) جي سينٽرل ايگزيڪيٽو ڪميٽي جي اجلاس جي صدارت ڪندي چئي. وزيراعظم چيو ته اسان ڪشمير ڪاز جي لاءِ پرعز آهيون، پاڪستان ڪشمير ڪاز جي حمايت ڪندو رهندو، وزيراعظم چيو ته برهان الدين واني جنهن کي ڀارتي سيڪيورٽي فورسز شهيد ڪري ڇڏيو هو، هڪ حريت پسند هو ۽ ڪو به ان کان اهو فخر نٿو کسي سگهي.
