اسلام آباد – 10 آڪٽوبر (اي پي پي) وزيراعظم محمد نواز شريف ناڻي واري وفاقي وزير سينيٽر اسحاق ڊار کي عالمي مالياتي فنڊ (آءِ ايم ايف) ۽ عالمي بئنڪ پاران سال 2016ع جي لاءِ ڏکڻ ايشيا جو بهترين ناڻي وارو وزير قرار ڏيڻ تي مبارڪباد ڏيندي چيو آهي ته اهو اعزاز سندس پاڪستان جي معاشي بحالي ۽ اقتصادي استحڪام جي لاءِ ڪيل ڪوششن جو اعتراف آهي. هن چيو ته دنيا جو وڏو مالياتي ادارو ناڻي واري وفاقي وزير سينيٽر اسحاق ڊار ۽ سندس متحرڪ اقتصادي ٽيم جي ڪوششن جي نتيجي ۾ ملڪ ۾ اقتصادي ڪاميابي جو اڳ ۾ ئي اعتراف ڪري چڪو آهي.
