گڏيل قومون-27 آگسٽ(اي پي پي) گڏيل قومن مصنوعي ذهانت لاءِ عالمي سهڪار کي هٿي وٺرائڻ لاءِ 2 نوان ادارا قائم ڪرڻ جو اعلان ڪيو آهي. اهو فيصلو جنرل اسيمبلي ذريعي منظور ڪيو ويو ۽ ان کي گڏيل قومن جي سيڪريٽري جنرل انتونيو گوتريش هڪ تاريخي قدم قرار ڏنو. گڏيل قومن جي ترجمان انهن ادارن جي قائم ٿيڻ سان سڄي دنيا ۾ مصنوعي ذهانت جي محفوظ، شفاف ۽ اخلاقي استعمال کي هٿي ملندي. هي قدم 2024ع ۾ منظور ٿيل ”گلوبل ڊجيٽل ڪمپيڪٽ“ ۽ ” پيڪٽ فاردي فيوچر“ تحت ڪيو ويو آهي، جنهن جو مقصد ٽيڪنالاجي جي استعمال کي عالمي ڀلائيءَ لاءِ اثرائتو بڻائڻ آهي. انتونيو گوتريش سمورن ملڪن، ادارن ۽ نجي شعبن کي اپيل ڪئي آهي ته هو ان تاريخي قدم ۾ سهڪار ڪن ته جيئن مصنوعي ذهانت انسانيت جي ڀلائي لاءِ استعمال ٿئي ۽ ان جي امڪاني خطرن تي ضابطو آڻي سگهجي.
