حيدرآباد/ سانگهڙ – 27 آگسٽ (اي پي پي) سنڌ جي ضلعي سانگهڙ ۾ مقرر ٻن عورت آفيسرن پنهنجي ذميوارين کان هٽي ڪري نوجوانن کي پاڪستان جي اعليِٰ امتحان ( سي ايس ايس) جي تياري ڪرائڻ ۽ ان ۾ دلچسپي وٺرائڻ ۽ سندن خوابن جي ساڀيان لاءِ ساڻن مُلاقات ڪرڻ ۽ انهن کي رهنمائي فراهم ڪري رول ماڊل بڻجي ويُون آهن. جاري ڪيل هينڊ آئوٽ مطابق نوجوانن کي آگاهي فراهم ڪرڻ لاءِ پروگرامن جو سلسلو شروع ڪيو ويو آهي، جنهن جو پهريُون سيشن شهيد بينظير ڀٽو يونيورسٽي سانگهڙ ڪيمپس ۾ سانگهڙ جي ڊپٽي ڪمشنر ساره جاويد ۽ شهيد بينظير ڀٽو يونيورسٽي سانگهڙ ڪيمپس جي تعاون سان ٿيو هو، جڏهن ته سانگهڙ ضلعي جي نوجوانن کي علم ۽ اعليٰ امتحانن ڏانهن راغب ڪرڻ لاءِ سي ايس ايس امتحان بابت آگاهي فراهم ڪرڻ بابت ٻيو سيشن 29 آگسٽ 2025 تي صبح نائين وڳي شهيد بينظير ڀٽو يونيورسٽي سانگهڙ ڪيمپس ۾ منعقد ڪيو ويندو، هن ۾ نوجوانن کي سي ايس ايس جي امتحاني عمل بابت ڄاڻ حاصل ڪرڻ ۽ سپيريئر سول سروس آفيسرن سان ملاقات جو موقعو فراهم ڪيو ويندو، ان موقعي تي سنجهورو جي اسسٽنٽ ڪمشنر جويـريـه اشرف پُڻ نوجوانن کي آگاهي فراهم ڪندي، ان اهم سيشن ۾ شرڪت لاءِ رجسٽريشن ڏنل لنڪ ذريعي ڪرائي سگهجي ٿي. https://docs.google.com/forms/d/e/1FAIpQLSf0KYE4Ni92nGYTdmWL9W1ttO5tLponMW4qXT-R9cx4C-Vmmw/viewform?usp=dialog). سيشن جو مقصد سپيريئر سول سروس آفيسرن کان قيمتي رهنمائي ۽ حقيقي ڄاڻ حاصل ڪرڻ آهي ته جيئن نوجوان سي ايس ايس جي تياري مؤثر نموني سان ڪري سگهن.
