جڪارتا – 27 آگسٽ (اي پي پي) انڊونيشيا جي صدر ابووسبيانتو ملڪ ۾ ماهر ڊاڪٽرن جي کوٽ کي ڳڻتي جوڳي قرار ڏيندي چيو آهي ته صحت جي نظام جي ضرورتن کي پورو ڪرڻ لاءِ گهٽ ۾ گهٽ 70 هزار ماهر ڊاڪٽرن جي کوٽ آهي. پرڏيهي ميڊيا مطابق صدر ٻڌايو ته ملڪ هر سال رڳو 12000 جنرل پريڪٽيشنرز ۽ 2700 ماهر ڊاڪٽر بڻجي رهيا آهن، جنهن سان ان کوٽ کي پورو ڪرڻ ۾ 35 سال لڳي سگهن ٿا. هن چيو ته اسان نوان قدم نه کنيا ته ترقي ممڪن ناهي. صدر حڪومت طرفان 30 نيون ميڊيڪل فيڪلٽيز قائم ڪرڻ، 500 جديد اسپتالون ٺاهڻ ۽ 57 ميڊيڪل فيڪلٽين ۾ 148 نوان تعليمي پروگرام شروع ڪرڻ جي منصوبي جو اعلان ڪيو ته جيئن ماهر ڊاڪٽرن جي کوٽ کي ختم ڪري سگهجي.
