تاشقند -27 آگسٽ (اي پي پي) ازبڪستان جي ٻن هزارن نوجوان انجنيئرن صرف 25 منٽن ۾ هڪ هزار 946 مني روبوٽس تيار ڪري ورلڊ رڪارڊ قائم ڪري ورتو آهي. ميڊيا رپورٽن موجب نيو ازبڪستان پارڪ ۾ انجنيئرنگ ۽ روبوٽڪس جي ميدان ۾ هڪ تاريخ قائم ٿي آهي، جتي ازبڪستان جي نوجوانن عالمي رڪارڊ قائم ڪندي ملڪ جو نالو گنيز ورلڊ رڪارڊ ۾ داخل ڪرائي ورتو آهي. اهو رڪارڊ انجنيئرنگ جي شعبي ۾ نه صرف ازبڪستان پر مرڪزي ايشيا جي ملڪن لاءِ پهريون ۽ سڀ کان وڏو گنيز ورلڊ رڪارڊ آهي. تقريب ۾ ٻن هزار نوجوان انجنيئرن صرف 25 منٽن ۾ 1946 مني روبوٽس تيار ڪيا ۽ انهن کي هلائي ڏيکاريو. اها ڪاميابي سائنسي تحقيق ۽ انجنيئرنگ سرگرمين ۾ دلچسپي کي وڌائڻ ۽ نئين نسل جي انجنيئرز کي تربيت لاءِ مضبوط بنياد فراهم ڪندي.
