دبئي _ 27 آگسٽ (اي پي پي ) گڏيل عرب امارات ۾ شهرين جي انگ ۾ هر سال 2.5 سيڪڙو اضافو رڪارڊ ڪيو ويو آهي. رپورٽ ۾ جاري ڪيل انگن اکرن مطابق آگسٽ 2025 ع تائين دبئي جي مجموعي آبادي 3.99 ملين (اٽڪل چار ملين ) تائين پهچي وئي آهي. جنوري 2025 ع جي شروعات ۾ اهو انگ 3.86 ملين هو. آگسٽ تائين آبادي ۾ 3.5 سيڪڙو يعني هڪ لک 34 هزار ماڻهن جو اضافو رڪارڊ ڪيو ويو آهي. دبئي جي مجموعي آبادي ۾ اضافي جا انگ اکر غيرمعمولي سطح تائين پهچي ويا ۽ اهي امارات جي تاريخ ۾ سڀ کان وڌيڪ آهن. دبئي جي ڪل آباد ۾ هلندڙ سال 5.5 سيڪڙو اضافو ٿيو آهي. آگسٽ 2024ع آبادي 3.790 ملين تي ٻڌل هئي . جنهن ۾ 2 لک 7 هزار 836 ماڻهن جو اضافو ٿيو آهي . هلندڙ سال آگسٽ دوران 31 هزار کان وڌيڪ ماڻهن جو اضافو ڏسڻ ۾ آيو. جولاءِ جي شروعات ۾ آبادي 3.96 ملين هئي . 2023ع جي آخر ۾ دبئي جي ڪل آبادي 3.66 ملين تي ٻڌل هئي جيڪا 2024ع ۾ وڌي 3.86 ملين تائين ٿي وئي. گذريل سال آبادي ۾ 5.5 سيڪڙو جو اضافو رڪارڊ ڪيو ويو هو. هلندڙ سال جي پهرين ٽه ماهي ۾ آبادي 3.96 کان وڌي وئي. آبادي ۾ روزانو 567 ماڻهن جي شرح سان اضافو ٿيو آهي. دبئي ڊيٽا اينڊ اسٽيٽڪس سينٽر دبئي ۾ رهندڙ مستقل رهائشين جن ۾ اماراتي شهري ۽ پرڏيهي شامل آهن، جي آبادي جو روزانو ۽ ماهوار بنيادن تي اندازو لڳايو ويو آهي. ان لاءِ آدمشماري، سروي ۽ لاڳاپيل سرڪاري ادارن جي ڊيٽابيس تي دارومدار ڪيو ويندو آهي.
