تهران _ 27 آگسٽ (اي پي پي) آسٽريليا پاران مبينه يهودي مخالف حملن جي الزام ۾ ايراني سفير احمد صادقي کي ملڪ بدر ڪرڻ تي ايران سخت مذمت ڪندي فيصلي کي بي بنياد قرار ڏنو آهي. پرڏيهي خابرو اداري مطابق ايراني پرڏيهي وزارت خبردار ڪيو آهي ته آسٽريليا جي قدمن جو ڀرپور جواب ڏنو ويندو. آسٽريلوي وزيراعظم مطابق ايران سڊني ۽ ميلبورن ۾ يهودي برادري کي نشانو بڻائڻ جي ڪوشش ڪئي، جنهن جون شاهديون موجود آهن. آسٽريليا تهران ۾ پنهنجو سفارتخانو بند ڪري ڇڏيو آهي ۽ ايراني انقلابي گارڊز کي دهشتگرد تنظيم قرار ڏيڻ جو اشارو به ڏنو آهي.
