تهران-26 آگسٽ (اي پي پي) ايران تصديق ڪئي آهي ته هو پنهنجي ايٽمي پروگرام بابت معاملن تي روس ۽ چين سان مستقبل رابطي ۾ آهي، جڏهن ته ٽن يورپي ملڪن سان به ڳالهيون جاري آهن. پرڏيهي ميڊيا موجب اها ڳالهه ايراني پرڏيهي وزارت جي ترجمان اسماعيل بقائي گذريل ڏينهن هفتيوار پريس ڪانفرنس ۾ چئي. هن چيو ته ايران چين ۽ روس سان رابطي ۾ آهي، جيڪي گڏيل جامع منصوبي واري عمل جي ڌُر ۽ گڏيل قومن جي سلامتي ڪائونسل جا مستقبل ميمبر آهن ۽ گڏوگڏ برطانيه، جرمني ۽ فرانس سان پڻ ڳالهيون جاري آهن. ترجمان واضح ڪيو ته ڳالهين جو مقصد ايران جي قومي مفادن جو تحفظ آهي. ايران ۽ يورپي ملڪن وچ ۾ ڳالهيون 26 آگسٽ تي جنيوا ۾ ٿينديون، جن ۾ نائب پرڏيهي وزيرن جي سطح تي شرڪت جو امڪان آهي. ڳالهين جو محور ايران تي لاڳو پابندين جو خاتمو ۽ ايٽمي پروگرام بابت اختلافن جو حل هوندو.
