واشنگٽن-26 آگسٽ(اي پي پي) آمريڪي ڪسٽمز اينڊ بارڊر پروٽيڪشن، صدر ڊونلڊ ٽرمپ طرفان ڀارت تي اضافي 25 سيڪڙو ٽيرف لاڳو ڪرڻ جي اعلان کانپوءِ ڀارت کان آمدني واپار ڪندڙ مصنوعات تي 25 سيڪڙو ٽيرف لاڳو لاءِ هڪ ڊرافٽ نوٽيس جاري ڪيو آهي. ڪشمير ميڊيا سروس مطابق آمريڪي ڪسٽمز اينڊ بارڊر پروٽيڪشن چيو آهي ته 27 آگسٽ کان ڀارت جي آمدني واپار وارين شين تي مجموعي طور تي 50 سيڪڙو ٽيرف وصول ڪيو ويندو. نوٽيس مطابق ڀارت تي اضافي 25 سيڪڙو ٽيرف صدر ڊونلڊ ٽرمپ جي هلندڙ سال 6 آگسٽ تي جاري ڪيل ايگزيڪيوٽو آرڊر تحت لاڳو ڪيو پيو وڃي. ان حڪم نامي جو مقصد ڀارت تي دٻاءُ وجهڻ آهي ته هو روس کان تيل جو آمدني واپار بند ڪري ۽ عسڪري لاڳاپا ختم ڪري. نوٽيس مطابق 27 آگسٽ کانپوءِ آمريڪا ۾ ڀارت کان آيل سمورين شين تي 50 سيڪڙو ٽيرف لاڳو هوندو. ان کان اڳ 30 جولاءِ تي صدر ٽرمپ اعلان ڪيو هو ته ڀارت تي اضافي ٽيڪس ان لاءِ لاڳو ڪيو پيو وڃي جڏهن ته ڀارت روس کان دفاعي سازو سامان ۽ وڏي مقدار ۾ تيل خريد ڪري يوڪرين جنگ ۾ ان جي مالي مدد جاري رکي آهي.
