واشنگٽن-06 آگسٽ (اي پي پي) هلندڙ سال جون دوران صارفين جي ضرورت جي شين جي آمدني واپار ۾ نمايان گهٽتائي سبب آمريڪا جو واپاري خسارو 16 سيڪڙو گهٽجي 60.2 ارب ڊالر رهجي ويو جيڪا سال جي گهٽ ترين سطح آهي. جڏهن ته چين سان پڻ آمريڪا جو واپاري خسارو گهٽجي 21 سالن جي گهٽ ترين سطح تي اچي ويو آهي، پرڏيهي خابرو اداري پنهنجي رپورٽ ۾ چيو آهي ته جاري ڪيل سرڪاري انگن اکرن مان ظاهر ٿئي ٿو ته جون ۾ آمريڪا جو ڪل روانگي واپار 277.3 ارب ڊالر جڏهن ته آمدني واپار 337.5 ارب ڊالر رهيو. رپورٽ ۾ وڌيڪ چيو ويو آهي ته ٽرمپ پاران لاڳو ڪيل ٽيرف جا اثر صرف واپار تائين محدود نه رهيا آهن جڏهن ته خدمتن جي شعبي تي پڻ ان جا اثر پيا آهن ۽ جولاءِ ۾ ڪاروباري سرگرميون گهٽجي ويون، ڪيترن ئي ڪمپنين شڪايت ڪئي آهي ته اضافي ٽيڪس سبب خرچ وڌيا آهن ۽ ڪاروباري منصوبابندي ڏکي ٿي وئي آهي. ماهرن جو چوڻ آهي ته اهي انگ اکر معيشت جي ڪمزوري کي مڪمل طور تي ظاهر نٿا ڪن. واضح رهي ته صدر ڊونلڊ ٽرمپ گذريل هفتي واپاري حصيدارن کي آگاهه ڪيو ته انهن جي روانگي واپار تي 10 کان 41 سيڪڙو تائين درآمدي ٽيڪس 7 آگسٽ تائين لاڳو ٿيندا.
