ماسڪو-06 آگسٽ (اي پي پي) آمريڪي صدر جو خاص نمائندو اسٽيون وٽڪوف روس پهچي ويو. ميڊيا رپورٽن موجب آمريڪي صدر ڊونلڊ ٽرمپ جو خاص نمائندو اسٽيون وٽڪوف روس جي دوري تي ماسڪو پهچي ويو آهي. وونوڪوفو ايئرپورٽ تي پهچڻ تي سندس آجيان روس جي صدر جي ايلچي ڪيرل دمتريف ڪئي. هلندڙ سال دوران وٽڪوف پاران روس جو اهو پنجون دورو آهي، جنهن کي يوڪرين تڪرار جي حل لاءِ جاري سفارتي ڪوششن جو حصو قرار ڏنو پيو وڃي. ان کان اڳ سندس ملاقاتون روسي صدر ولاديمير پيوٽن سان پڻ ٿي چڪيون آهن، آمريڪي صدر اشارو ڏنو آهي ته جيڪڏهن 9 آگسٽ تائين ڪو به معاهدو نه ٿيو ته روس ۽ ان جي واپاري حصيدارن تي 100 سيڪڙو تائين درآمدي ڊيوٽيون لاڳو ڪري سگهجن ٿيون.
