بغداد-17 جولاءِ (اي پي پي)عراق جي اوڀر واري شهر الڪوت ۾ شاپنگ مال ۾ باهه لڳڻ سبب اٽڪل 50 ماڻهو فوت جڏهن ته ڪيترائي زخمي ٿي پيا آهن. پرڏيهي ميڊيا موجب صوبي اوسط جي گورنر محمد المياهي چيو آهي ته گذريل ڏينهن الڪوت ۾ هڪ وڏي شاپنگ سينيٽر هائپر مال ۾ باهه سبب اٽڪل50 ماڻهو فوت ۽ ڪيترائي زخمي ٿيا آهن. واقعي جو اطلاع ملندي ئي ايمبولينسز موقعي تي پهچي ويون ۽ زخمين کي الڪوت جي اسپتال منتقل ڪيو ويو، باهه لڳڻ جو سبب اڃان تائين معلوم نه ٿي سگهيو. گورنر صوبي ۾ 3 ڏينهن جي سوڳ جو اعلان ڪندي چيو آهي ته مقامي عملدار عمارت ۽ مال جي مالڪ خلاف ڪيس داخل ڪندا.
