ابوظھبي – 17 جولاءِ (اي پي پي) گڏيل عرب امارات جي ھوائي ڪمپني ايمريٽس 18 جولاءِ کان ايران لاءِ اڏامون ٻيھر شروع ڪرڻ جو اعلان ڪيو آھي. پرڏيھي ميڊيا مطابق ھوائي ڪمپني بيان ۾ چيو آھي ته ايران لاءِ روزانو جي بنياد تي اڏامون ھلايون وينديون. بيان ۾ مسافرن کي ھدايت ڪئي وئي آھي ته ھو سفر کان اڳ فلائيٽ اسٽيٽس کي ضرور چيڪ ڪن ۽ ڪمپني جي ويب سائيٽ کان اپ ڊيٽس حاصل ڪندا رھن. ان کان اڳ ايئر لائن 16 جولاءِ تائين اڏامن جي معطلي ۾ واڌ ڪئي ھئي.
