ٽوڪيو – 29 آگسٽ (اي پي پي) جاپان ۾ گذريل ڏينھن به 35 ڊگري سينٽي گريڊ يا ان کان به وڌيڪ گرمي پد جي اڳڪٿي ڪئي وئي آھي. پرڏيھي ميڊيا مطابق جاپان جي موسمياتي ايجنسي (جي ايم اي) ٻڌايو ته ڪانتو کان ڪيوشو تائين ملڪ جي 47 مان 22 صوبن ۾ ھيٽ اسٽروڪ الرٽس جاري ڪيا ويا آھن. جي ايم اي مطابق تڪاماسو شھر ۾ منجھند جو گرمي پد 37 ڊگري سينٽي گريڊ تائين پھچڻ جو امڪان آھي، جڏھن ته اوساڪا، ناگويا ۽ ڪورومي سميت ٻين شھرن ۾ 36 ڊگري سينٽي گريڊ تائين رھڻ جو امڪان آھي. مرڪزي ٽوڪيو کان علاوه سائيتاما، فوڪوئي ۽ ڪوفو جھڙن شھرن ۾ گرمي پد 35 ڊگري سينٽي گريڊ تائين پھچڻ جو امڪان آھي. موسميات کاتي جي اختيارين چيو ته ڇنڇر ۽ آچر ڏينھن ڪانتو-ڪوشن ريجن کان اولھه ڪنڪي علائقي تائين گرمي پد وڌي وڌيڪ خطرناڪ سطح تائين پھچي سگھي ٿو، ان لاءِ عوام کي ھيٽ اسٽروڪ کان بچڻ جي قدمن کي جاري رکڻ جي ھدايت ڪئي وئي آھي.
