اسلام آباد – 17 – فيبروري (اي پي پي) وقتي قونصل جنرل برمنگهم ڪامران ملڪ ڪينسر سبب هن فاني دنيا مان لاڏاڻو ڪري ويو. پرڏيهي آفيس پاران لاڏاڻي تي تعزيت جو اظهار ڪيو ويو آهي. پرڏيهي آفيس جي ترجمان پاران جاري بيان ۾ چيو ويو آهي ته اسان جو ويجهو دوست وقتي قونصل جنرل برمنگهم ڪامران ملڪ ڪينسر سان وڙهندي 16 فيبروري تي خالق حقيقي سان وڃي مليو. ترجمان چيو ته ڪامران ملڪ پنهنجي سڄي ڪيريئر ۾ اڻٿڪ محنت ۽ فرق کانسواءِ پاڪستان جي خدمت ڪئي. سندس سفارتي سڌارن، شفقت ۽ فرضن جي ادائيگي جي عزم سندس ساٿين تي اڻمٽ نقش ڇڏيا آهن. هن مشڪلاتن جي باوجود پنهنجا فرض سرانجام ڏيڻ ۾ لچڪ ۽ بهادري جي مظاهري سان پنهنجي ساٿين کي هڪ جهڙي طور تي متاثر ڪيو. ترجمان چيو ته اسان هن مشڪل وقت ۾ ڪامران ملڪ جي گهرڀاتين، دوستن ۽ مائٽن سان تعزيت جو اظهار ڪريون ٿا. پرڏيهي آفيس جي ترجمان چيو ته الله تعاليٰ کان دعا آهي ته هو ڪامران ملڪ جا درجا بلند فرمائي ۽ سندس گهرڀاتين ۽ مائٽن کي اهو صدمو صبر ۽ حوصلي سان برداشت ڪرڻ جي توفيق عطا فرمائي.
