ماسڪو-03 جنوري (اي پي پي) برطانوي اخبار دي سن انڪشاف ڪيو آهي ته ماسڪو ۾ ترسيل شام جي اڳوڻي صدر بشارالاسد کي زهر ڏئي قتل ڪرڻ جي ڪوشش ناڪام بڻائي وئي آهي. معلومات تي ٻڌل رپورٽ ۾ دعويٰ ڪئي وئي آهي ته بشارالاسد کي اوچتو ساهه کڻڻ ۾ مشڪلات ٿي رهي هئي جنهن لاءِ طبي امداد فراهم ڪرڻ جي درخواست ڪئي وئي. بشارالاسد جو سندس اپارٽمينٽ ۾ علاج ڪيو ويو جنهن کان پوءِ سندس حالت مستحڪم ٿي، جڏهن ته سندس مختلف ٽيسٽون ڪيون پيون وڃن جن مان جسم ۾ زهر جا اثرات مليا آهن.
