جنيوا-11 ڊسمبر (اي پي پي) گڏيل قومن جي انساني معاملن بابت آفيس (او سي ايڇ اي) چيو آهي ته شام جي ڪيترن ئي وڏڻ شهرن ۾ ماڻهن کي خوراڪ جي شديد کوٽ آهي. ميڊيا رپورٽن موجب اداري پاران جاري ڪيل بيان ۾ ديرالزور، دمشق ۽ حما سميت ٻين وڏن شهرن ۾ خوراڪ جي کوٽ جا اطلاع آهن، 27 نومبر کان 09 ڊسمبر تائين صرف ادلب ۽ حلب ۾ مانيءَ جي قيمت ۾ 900 سيڪڙو اضافو ٿيو آهي. يونائيٽيڊ نيشنز آفيس فار دي ڪوآرڊينيشن آف هيومينٽيرين افيئرز جاري بيان ۾ وڌيڪ چيو آهي ته شام جا اسپتال گنجائش کان وڌيڪ ڀرجي چڪا آهن.
