ماسڪو – 09 ڊسمبر (اي پي پي) روس چيو آهي ته ڏکڻ اوڀر ايشيا ۾ نيٽو جي توسيع جي مخالفت ڪريون ٿا. پرڏيهي خابرو اداري مطابق روسي نائب پرڏيهي وزير آندري روڊينڪو والڊائي ڊسڪشن ڪلب جي 15 هين ايشيائي ڪانفرنس کي خطاب ڪندي چيو ته روس ڏکڻ اوڀر ايشيائي ملڪن جي قيمت تي نيٽو جي توسيع جي مخالفت ڪري ٿو. هن چيو ته اسان ان خطي جي عسڪريت پسندي نٿا چاهيون ۽ نه ئي نيٽو کي دنيا جي ان حصي تائين ڦهلائڻ چاهيون ٿا. هن نوٽ ڪيو ته علائقائي شراڪت دارن سان روس جو سهڪار اڄ جي حقيقتن مطابق آهي. هن وڌيڪ چيو ته اسان سمجهون ٿا ته ايشيا هڪ تعميري نظريي، امن، استحڪام ۽ اقتصادي ترقي جو مستحق آهي جيڪو شنگهائي سهڪار جي تنظيم، آسيان ۽ يوريشيا جي ٽن سرگرم تنظيمن ۾ سهڪار جي هدفن مطابق آهي.
