ڪراچي- 21 نومبر (ا ي پي پي) سنڌ جي وڏي وزير سيد مراد علي شاهه وفاقي حڪومت کان مطالبو ڪيو آهي ته گڏيل مفادن واري ڪائونسل (سي سي آءِ) جو اجلاس گهرايو وڃي. وزيراعليٰ هائوس مان جاري ڪيل بيان ۾ چيو ويو آهي ته وڏي وزير وفاقي حڪومت کان سي سي آءِ جو اجلاس گهرائڻ جو مطالبو ڪندي چيو آهي ته آئين جي آرٽيڪل (3)154 تحت هر 90 ڏينهن ۾ سي سي آءِ جو اجلاس گهرائڻ لازمي آهي.هن چيو ته وفاقي حڪومت سي سي آءِ جو اجلاس گهرائي پنهنجي آئيني ذميواري پوري ڪري.
