واشنگٽن-12 نومبر (اي پي پي) آمريڪا جي نئين چونڊيل صدر ڊونلڊ ٽرمپ ڪانگريس جي عورت ميمبر ايليس اسٽيفنڪ کي گڏيل قومن ۾ آمريڪي سفير نامزد ڪري ڇڏيو آھي. اھا ڳالھه ٽرمپ جي عبوري عھديدار گذريل ڏينھن هڪ اعلان ۾ چئي. 40 ورھين جي ڪانگريس ميمبر ايليس اسٽيفنڪ وائيٽ ھائوس ۾ پنھنجي ٻئي مدي لاءِ ٽرمپ جي پھرين ڪابينا جي مقرري آھي. ڊونلڊ ٽرمپ گذريل ڏينھن بيان ۾ چيو ته مون کي گڏيل قومن جي آمريڪا جي سفير طور تي پنھنجي ڪابينا ۾ خدمتون انجام ڏيڻ لاءِ چيئر ويمن ايليس اسٽيفنڪ کي نامزد ڪرڻ تي فخر آھي. ايليس اسٽيفنڪ ناقابل يقين حد تائين مضبوط ۽ ھوشيار آمريڪا جي فرسٽ فائٽر آھي. نيوريارڪ ۾ گڏيل قومن جي ھيڊ ڪوارٽر ۾ گڏيل قومن جي ترجمان اسٽيفن ڊوجارڪ ايليس اسٽيفنڪ جي آمريڪي سفير طور تي نامزدگي بابت ھڪ سوال جي جواب ۾ چيو ته اسان گڏيل قومن ۾ آمريڪا جي مستقل نمائندي سان تعميري طور تي ڪم ڪنداسين ڇو ته اسان ٻين ملڪن سان گڏجي ڪم ڪيون ٿا. 40 ورھين جي ايليس اسٽيفنڪ اسرائيل جي حامي رھي آھي ۽ گذريل ھفتي جي صدارتي چونڊن کان ھڪ ڏينھن اڳ ھن فلسطيني پناھگيرن لاءِ گڏيل قومن جي رليف اينڊ ايجنسي (يو اين آر ڊبليو اي) جي دفاع جو مطالبو ڪيو ھو. ايليس اسٽيفنڪ آمريڪي سفير لنڊا ٿامس گرين فليڊ جي جاءِ تي ڪم ڪندي، جيڪو ڪيريئر ڊپلوميٽ ۽ آفريقا لاءِ اڳوڻي اسٽنٽ سيڪريٽري آف اسسٽنٽ آھي ۽ بائيڊن انتظاميا سان ان عھدي تي مقرر رھيو آھي. ٽرمپ جي منتقلي جي عھديدار ٻڌايو ته ايليس اسٽيفنڪ ٽرمپ جي ڪابينا جي ميمبر پڻ ھوندي. ايليس اسٽيفنڪ سک فيملي ۾ جنم ورتو ھو جيڪا ڀارتي پنجاب مان تجارت ڪري آمريڪا آئي ھئي، ان کانپوءِ ايليس اسٽيفنڪ عيسائي مذھب اختيار ڪري چڪي آھي پر پنھنجي فيملي جي درخواست تي سک گرودوارن ۾ ويندي آھي.
