پيانگ يانگ- 05 نومبر (اي پي پي) اتر ڪوريا آمريڪا، ڏکڻ ڪوريا ۽ جاپان جي گڏيل فضائي مشقن جي مذمت ڪندي چيو آهي ته اترڪوريا دفاعي ايٽمي صلاحيت کي تقويت ڏيڻ جي پنهنجي پاليسي تي قائم رهندو. پرڏيهي ميڊيا مطابق ورڪرز پارٽي آف ڪوريا جي سينٽرل ڪميٽي جي نائب ڊائريڪٽر ڪم يو جونگ گذريل ڏينهن جاري بيان ۾ آمريڪا، ڏکڻ ڪوريا ۽ جاپان طرفان آچر ڏينهن ڪيل فضائي مشقن جي مذمت ڪئي، جنهن ۾ آمريڪا اسٽريٽجڪ بمبار جهازن بي- اي بي به حصو ورتو. اتر ڪوريا ان قدم کي دشمن قوتن جي انتهائي خطرناڪ جارحاڻي نوعيت جي ڪارروائي تصور ڪري ٿو ۽ پنهنجي ايٽمي دفاع جي پاليسي جي درست هجڻ جو ثبوت تصور ڪري ٿو.
