دبئي-13 آگسٽ (اي پي پي) غزه ۾ گذريل سال آڪٽوبر کان جاري اسرائيلي فوجي ڪارروائين ۾ هاڻي تائين 477 اسڪولن کي حملن ۾ نشانو بنايو ويو آهي. تاس مطابق گڏيل قومن جي رليف اينڊ ورڪس اداري (يو اين آر ڊبليو اي) پنهنجي رپورٽ ۾ ٻڌايو آهي ته 10 مهينن کان وڌيڪ عرصي کان جاري جنگ ۾ غزه جي 564 اسڪولن مان گهٽ ۾ گهٽ 477 تي حملا ڪيا ويا آهن جنهن جي نتيجي ۾ 344 اسڪولن جي عمارتون سڌري ريت متاثر ٿيون ۽ 133 اسڪولن کي نقصان پهتو. انهن ۾ 264 سرڪاري اسڪول، گڏيل قومن جي رليف اينڊ ورڪس اداري(يو اين آر ڊبليو اي) جي 156 اسڪول ۽ 57 نجي اسڪول شامل آهن.
