ابوظهبي – 10 جولاءِ (اي پي پي ) سڄي دنيا جي ايئر پورٽس ۽ ايئر لائينز جي ڊيٽا فراهم ڪندڙ انٽر نيشنل اداري (او اي جي ) جي رپورٽ ۾ ٻڌايو ويو آهي ته گڏيل عرب امارات کي دنيا جي وڏي ٽريول مارڪيٽ جي لسٽ ۾ شامل ڪيو ويو آهي جيڪا مسلسل ترقي ڪري رهي آهي. هڪ خابرو اداري موجب رپورٽ ۾ ٻڌايو ويو آهي ته هلندڙ سال جولاءِ ۾ امارات جي ايئر پورٽس تي ڪم ڪندڙ ايئر لائينز وٽ هڪ طرف جي عالمي اڏامن جون 73 لک کان وڌيڪ شيڊيولڊ سيٽون آهن جيڪي گذريل سال جي ان عرصي جي ڀيٽ ۾ اٽڪل 6 لک وڌيڪ آهن. امارات وٽ وچ اوڀر لاءِ طئي ٿيل سيٽن جي گنجائش جو 31 سيڪڙو حصو رکي ٿو. خطي جي ايئر پورٽس تي جولاءِ دوران اٽڪل 2 ڪروڙ 35 لک سيٽون مسافرن کي فراهم ڪيون ويون. هتان جا ايئر پورٽس وڌيڪ ايئر لائينز کي راغب ڪري رهيا آهن. امارات ۾ آپريٽ ڪندڙ ايئر لائينز وڌيڪ نون هنڌن لاءِ اڏامن جي شروعات ڪري پنهنجي نيٽ ورڪ کي هٿي ڏئي رهيُون آهن.
