رياض _ 14 مئي (اي پي پي ) حج پانڌيئڙن ۽ عمره کي بهترين خدمتن جي فراهمي ۽ ان لاءِ آسانيون پيدا ڪرڻ جي سعودي پروگرام روٽ ٽو مڪه تي ڪاميابي سان عمل درآمد جاري آهي . سعودي عرب پنهنجي قيام کان وٺي اڄ تائين لکين ماڻهن جي حفاظت ۽ کين وڌ کان وڌ سهولتون فراهم ڪرڻ جي عزم تي نه رڳو ڪاميابي سان عمل درآمد ڪري رهيو آهي پر هر ڏينهن انهن سهولتن ۾ اضافو ڪري رهيو آهي . 25 اپريل 2016 ع تي سعودي ولي عهد محمد بن سلمان بن عبدالعزيز آل سعود وزيراعظم جي حيثيت سان سعودي وزن 2030ع جي شروعات ڪئي جنهن جو مقصد ضيوف الرحمان کي اعلى معيار جي بهترين ۽ وڌ کان وڌ خدمتون فراهم ڪرڻ آهي . سعودي عرب جي گهرو وزارت اعلى قيادت جي وزن 2030 ع تي عملي قدم شروع ڪيو ۽ مڪه روٽ (مڪه رستي ) تحت الله جي مهمانن جي ميزباني ۽ انهن جي خدمت کي بهترين بڻائڻ جي شروعات ڪئي . ان پروگرام جو مقصد حاجين کي انهن جي پنهنجي ئي ملڪ کان سفري ۽ ٻين سهولتن جي فراهمي آهي .
