رياض -14 مئي (اي پي پي ) سعودي عرب جي وزارت افرادي قوت سماجي بهبود جي ٽيمن هلندڙ سال جي شروعاتي چئين مهينن دوران افرادي قوت در آمد ڪندڙ 24 ادارن خلاف ورزيون ريڪارڊ ڪيون آهن . العربيه موجب جن ادارن جو چالان ڪيو ويو انهن ۾ گهڻو ڪري اهڙا هيا جن گهريلو ڪارڪنن جا ويزا جاري ڪرايا ۽ انهن کي پنهنجو ڪم ڪرڻ لاءِ آزاد ڇڏي ڏنو وزارت جي جاچ ٽيمن افرادي قوت درآمد ڪرڻ جي قانون تي عمل نه ڪرڻ ڪندڙ 70 ريڪروٽمنٽ دفترن جي لائسنس ملتوي ڪري انهن خلاف به ڪاروائي ڪئي . افردي قوت درآمد ڪرڻ ۾ مقرره وقت کان وڌيڪ دير ڪرڻ ۽ صارفين جي شڪايت جو ازالو نه ڪرڻ تي به 8 ادارن کي سيل ڪيو ويو جڏهن ته شڪايتون ڪندڙن جا پئسا واپس ڪيا ويا آهن . وزارت افرادي قوت پاران ان حوالي سان ٽول فري نمبر جاري ڪيو ويو آهي جنهن تي گهريلو ورڪرز جي درآمد ڪرڻ ۾ سامهون ايندڙ خلاف ورزين کي ريڪارڊ ڪرائي سگهجي ٿو .
