رياض-مئي (اي پي پي ) سعودي عرب دنيا کي پوليو فري بنائڻ لاءِ 60 ڪروڙ ڊالر جي امداد جو اعلان ڪيو آهي . العربيه موجب شاهه سلمان ريليف اينڊ هيومنيٽيرين مرڪز اعلان ڪيو ته سعودي عرب بل وميلنڊا گيٽس فائونڊيشن جي سهڪار سان اسلامي ترقياتي بينڪ جي 33 رڪن ملڪن ۾ ساليانو 370 ملين ٻارن کي پوليو کان بچائڻ ۽ لکين ماڻهن کي غربت کان ڪڍڻ لاءِ 600 ملين ڊالر کان به وڌيڪ امداد فراهم ڪري رهيو آهي شاهه سلمان ريليف سينٽر ۽ بل اينڊ ميلنڊا گيٽس فائونڊيشن جي وچ ۾ گڏيل سهڪار جي ياداشت تي رياض ۾ منعقد عالمي اقتصادي فورم جي موقعي تي صحيحون ڪيون ويون .
