مدينه منوره _ 26 اپريل (اي پي پي ) مسجد نبوي جي انتظاميه چيو آهي ته گذريل هفتي دوران مسجد نبوي ۾ ايندڙ پانڌيئڙن جو انگ 59 لک 60 هزار 724 رڪارڊ ڪيو ويو آهي . سعودي خابرو اداري مطابق مسجد نبوي جي معاملن واري جنرل اٿارٽي طرفان جاري ڪيل بيان ۾ چيو ويو آهي ته گذريل هڪ هفتي دوران آيل پانڌيئڙن جو انگ 59 لک 60 هزار 724 تائين پهچي ويو آهي . جنهن مان 5 لک 98 هزار 939 پانڌيئڙن روضه رسول صلي الله عليه وسلم تي حاضري جڏهن ته 2 لک 54 هزار 209 ماڻهو رياض الجنه نماز ادا ڪئي . انهن مان هڪ لک 23 هزار 932 مرد جڏهن ته هڪ لک 30 هزار 277 عورتون شامل هيون ، انتظاميه چيو آهي ته گذريل هفتي دوران 9172 بزرگ ۽ معذور ماڻهن کي مخصوص خدمتون فراهم ڪيون ويون.
