گڏيل قومون _ 15 اپرل (اي پي پي ) گڏيل قومن جي جنرل سيڪريٽري انتونيوگوتريش عالمي برادري کي تڪرارن ۾ شدت خلاف خبردار ڪندي چيو آهي ته وچ اوڀر ۽ دنيا وڌيڪ جنگيون برداشت نٿي ڪري سگهي . فرانس جي خابرو اداري ايف پي مطابق هن گذريل ڏينهن سلامتي ڪائونسل جي اجلاس دوران خطاب ڪندي چيو ته نه ئي خطو ۽ نه ئي دنيا وڌيڪ جنگون برداشت ڪري سگهن ٿا. هن وڌيڪ چيو ته وچ اوڀر انتهائي ڇڪتاڻ جي ڪناري تي آهي . جنرل سيڪريٽري انتونيو گوتريش چيو ته خطي جا ماڻهو تباهي جوڳي جنگ جي حقيقي خطري کي منهن ڏئي رهيا آهن . هاڻي ان خطري ۽ ڇڪتاڻ کي گهٽائڻ جو وقت اچي ويو آهي . هن سمورين لاڳاپيل ڌرين کان وڌيڪ تحمل جو مظاهرو ڪرڻ جو مطالبو ڪيو .
