تيونس-02 اپريل (اي پي پي)تيونس جي صدر قيس سعيد تعليم واري وزير محمد علي البوغديري کي پنهنجي عهدي تان هٽائيندي سلوي العباسي کي نئين وزير طور مقرر ڪري ڇڏيو آهي. ايوان صدر برطرفي جي فيصلي جو ڪو باضابطه سبب ناهي ٻڌايو پر خيال ڪيو پيو وڃي ان جو اصل ڪارڻ جعلي ڊگري اسڪينڊل آهي جنهن ۾ تعليم واري وزارت جي هڪ اهلڪار جو ملوث هجڻ جو الزام لڳو آهي. ياد رهي ته سلوي العباسي پهرين عورت آهي جنهن تعليم واري وزارت جو قملدان سنڀاليو آهي.
