والاريل بيت المقدس – 01 اپريل (اي پي پي) فلسطين جي وزيراعظم محمد مصطفيٰ جي سربراهي ۾ نئي حڪومت حلف کڻي ورتو. شنهوا مطابق نئي حڪومت 23 وزارتي قلمدانن تي ٻڌل آهي، جن ۾ غزه جا 6 وزير شامل آهن. حلف برداري جي تقريب دوران فلسطيني وزيراعظم عهد ڪيو ته سندس نئي حڪومت سمورن فلسطينين جي خدمت ڪندي. تقريب کانپوءِ نئي حڪومت سان ملاقات ۾ فلسطيني صدر ان ڳالهه جي تصديق ڪئي ته غزه ۾ ڇڪتاڻ کي روڪڻ لاءِ عرب ۽ بين الاقوامي ڌرين سان گڏجي ڪم جاري آهي. هن چيو ته اسانجو سياسي مقصد آزادي ۽ (اسرائيلي) قبضي مان آزادي حاصل ڪرڻ آگي ۽ اسان گڏيل قومن ۾ مڪمل رڪنيت حاصل ڪرڻ لاءِ لاڳاپيل عرب ۽ بين الاقوامي ڌرين سان گڏجي ڪم ڪري رهيا آهيون.
