ماسڪو -27 مارچ (اي پي پي) روس چيو آهي ته ا ن جي شموليت کانسواءِ يوڪرين ۾ امن جي حوالي سان ڪو به سربراهي اجلاس ڪامياب نه ٿيندو. تاس موجب اها ڳالهه روسي حڪومت جي ترجمان ديمتري پيسڪوف هڪ انٽرويو ۾ چئي. هن چيو ته روس پاڻ کي بچائڻ لاءِ يوڪرين خلاف ٻن سالن جي جنگ جاري ڪر ي ويٺو آهي، يوڪرين جو مسئلو روس جي شرڪت کانسواءِ حل نٿو ٿي سگهي. هن يورپي يونين ۽ ٻين ملڪن پاران روسي اثاثن مان حاصل ٿيندڙ آمدني کي ڪنٽرول ڪرڻ ۽ ان کي يوڪرين جي حوالي ڪرڻ جي منصوبي جي به مذمت ڪئي .
