ٽوڪيو – 14 مارچ (اي پي پي) جاپان جي توانائي پيدا ڪندڙ سڀني کان وڏي ڪمپني (جي آي آر اي) هڪ جنريٽر متعارف ڪرايو آهي جيڪو مرڪزي جاپان ۾ ڪوئلي سان هلندڙ هل بجلي گهر ۾ آزمائشي طور امونيا سان هلايو ويندو. اين ايچ ڪي مطابق ڪمپني جو هدف پلانٽ جي ٻارڻ جي 20 سيڪڙو کي امونيا سان تبديل ڪرڻ آهي جيڪو ڪاربن ڊاءِ آڪسائيڊ خارج ناهي ڪندو. آزمائش ۾ ڪمپني جي 10 لک ڪلوواٽ ڪلاس پاور جنريٽر جي ساخت ۾ تبديلي پڻ شامل آهي. واضح رهي ته جي اي آر اي نئي طريقيڪار کي 2027 يا 2028 تائين عملي استعمال ۾ آڻڻ چاهي ٿي.
