مڪه مڪرمه _ 4 مارچ (اي پي پي ) سعودي عرب ۾ الحرمين الشريفين انتظاميه ۾ ديني معاملن جي سربراهه شيخ ڊاڪٽر عبد الرحمان السديس رمضان المبارڪ آپريشنل پروگرام جو افتتاح ڪيو آهي . ايس پي اي مطابق مڪه مڪرمه ۾ پريزيدنسي جي صدر آفيس ۾ ان پروگرام جو افتتاح ڪندي هن چيو ته هن سال رمضان المبارڪ دوران گذريل سالن جي مقابلي ۾ وڌيڪ انگ ۾ پانڌيئڙن جي آمد متوقع آهي . هن چيو ته رمضان آپريشنل پروگرام ۾ سعودي قيادت جي خواهش مطابق پانڌيئڙن جي خدمت ۽ عبادت لاءِ مناسب روحاني ماحول جي فراهمي آهي . شيخ السديس چيو آهي ته الحرمين الشرفين جي ديني پيغام کي دنيا تائين پهچائڻ ، ٻين حڪومتي ادارن جي شراڪت دارن سان گڏ سڪار ، سمورن سرڪاري ادارن سان گڏ هم آهنگي ۽ عالمي سطح تي اعتدال پسند مڪالمي کي هٿي ڏيڻ بنيادي اصولن ۾ شامل آهي .
