رياض _ 21 فيبروري (اي پي پي ) سعودي عرب ۾ سعودي پيڊيا اي گيٽ جاري ڪيو ويو آهي . اردو نيوز مطابق سعودي اطلاعات واري وزير سلمان الدوسري سعودي پيڊيا رياض ۾ منعقد ميڊيا فورم جي موقعي تي جاري ڪيو آهي .جتي سڄي دنيا کان ميڊيا جي ماهرن شرڪت ڪئي . سعودي پيڊيا عربي سميت 6 ٻولين ۾ سعودي عرب بابت انسائيڪلو پيڊيا جو ڪم ڪندو . سعودي عرب جي ولي عهد شهزاده محمد بن سلمان جي ويزن 2030ع تي عمل ڪندي ڪاميابين جو سلسلو جاري آهي. سعودي پيڊيا سڄي دنيا لاءِ مملڪت بابت معلومات جو اولين ۽ تصديق وارو ذريعو هوندو جنهن ۾ سعودي قيادت، عوام، تاريخ، تهذيب ۽ ثقافت ۽ ملڪ جي جاگرافيا کان علاوه جاري ۽ مستقبل جي منصوبن بابت معلومات ڏني ويندي. سعودي پيڊيا کي سوشل ميڊيا ذريعن تي به جاري ڪيو ويندو.
