مڪو_29 ڊسمبر(اي پي پي) سعودي عرب جي شهر مڪي ۾ وڏي پيماني تي سون جي موجودگي جا امڪان موجود آهن. ميڊيا رپورٽن موجب قيمتي ڌات جي سعودي ڪمپني جي جيالوجيڪل ٽيم انڪشاف ڪيو آهي ته ماهرن پاران مڪي ريجن جي 100 ڪلو ميٽر علائقي ۾ قيمتي ڌات سون جي وڏي مقدار ۾ موجودگي جون نشانيون مليون آهن،قيمتي ڌات ڳولهڻ جو منصوبو 2022 ۾ شروع ڪيو ويو هو ،منصوبي جو مقصد مختلف علائقن ۾ سون ۽ ٻين قيمتي ڌاتن جي ڳولا لاءِ ماهرن جي ٽيم جوڙي وئي هئي جنهن کي جابلو علائقن جو سروي ڪري اهو معلوم ڪرڻو هو ته ڪهڙن علائقن ۾ قيمتي ڌات موجود آهن، جڏهن ته ماهر ان حوالي سان وڌيڪ ڪم ڪري رهيا آهن.
