نئين دهلي-30 نومبر (اي پي پي)سوئٽزرلينڊ جي شهر ميونخ کان بينڪاڪ ويندڙ جرمن مسافر جهاز کي زال مڙس جي جهيڙي سبب ڀارت جي گادي واري شهر نئين دهلي ۾ لاٿو ويو، ڀارتي سڌ سماءَ وارن ذريعن جي رپورٽ موجب جرمن فضائي ڪمپني لفٿانسا جي هڪ فلائيٽ ايل ايڇ 772 جي عملي ٻڌايو ته جهاز ۾ سوار زال مڙس وچ ۾ جهيڙو ٿي پيو، نئين دهلي جي اندرا گانڌي انٽرنيشنل ايئرپورٽ جي ايوي ايشن سيڪيورٽي اختيارين ٻڌايو ته زال مڙس ويجهو ۾ جهيڙي جو سبب معلوم نه ٿي سگهيو آهي، پر ان جهيڙي سبب مسافر جهاز کي نئين دهلي لاٿو ويو ۽ جوڙي کي جهاز کان لاهي سيڪيورٽي اختيارين حوالي ڪيو ويو، جڏهن ته مسافر جهاز معمولي دير کانپوءِ بئنڪاڪ روانو ٿي ويو.
