غزه – 02 نومبر (اي پي پي) ڊاڪٽرز ودآئوٽ بارڊرز (ايم ايس ايف) چيو آهي ته غزه ۾ اسرائيلي حملن سبب 20 هزار کان وڌيڪ ماڻهو زخمي آهي. برطانوي اخبار مطابق تنظيم چيو ته اهي ماڻهو جن وٽ پرڏيهي پاسپورٽ آهي ۽ شديد زخمي آهن، مصر پهچي ويا آهن. ايم ايس ايف چيو ته هن وقت غزه ۾ 20 هزار کان وڌيڪ ماڻهن کي گهيراءُ سبب صحت جي سهولتن تائين محدود پهچ حاصل آهي. تنظيم وڏي تعداد ۾ ماڻهن کي اتان ڪڍڻ سان گڏو گڏ جنگ بندي ۽ وڌيڪ ضروري امداد جي فراهمي جي اجازت ڏيڻ جو مطالبو ڪيو.
