رياض_ 12 آڪٽوبر(اي پي پي) صحت جي عالمي اداري سعودي عرب جي ڊاڪٽر حنان بلخي کي وچ اوڀر ۾ پنهنجي ريجنل ڊائريڪٽر مقرر ڪئي آهي، ميڊيا رپورٽن موجب قاهره ۾ صحت جي عالمي اداري جي ريجنل ڪميٽي جي 70هين اجلاس دوران سعودي ڊاڪٽر کي مقرر ڪيو ويو. ان حوالي سان سعودي عرب جي صحت واري وزير فهد الجلاجل صحافين سان ڳالهائيندي چيو ته وچ اوڀر لاءِ صحت جي عالمي اداري جي ريجنل ڊائريڪٽر طور ڊاڪٽر حنان بلخي جي مقرري ان ڳالهه جو ثبو ت آهي ته سعودي عورتون مختلف شعبن ۾ پنهنجو ڪردار ادا ڪري رهيون آهن،اسان جي قيادت سعودي عورتن کي بااختيار بڻائڻ لاءِ پرعزم آهي ۽ ملڪ جي قيادت کي سعودي عورتن تي مڪمل ڀروسو ۽ اعتماد آهي.
